శ్రీ రాజరాజేశ్వర్యష్టకమ్ SRI RAJARAJESHWARA ASHTAKAM

             శ్రీ రాజరాజేశ్వర్యష్టకమ్

అంబా శాంభవి చంద్రమౌళి రబలాపర్ణా ఉమాపార్వతీ

కాళీ హైమవతీ శివా త్రినయనీ కాత్యాయనీ భైరవీ

సావిత్రీ నవయౌవనా శుభకరీ సామ్రాజ్యలక్ష్మీప్రదా

ద్రూపీ పరదేవతా భగవతీ శ్రీ రాజరాజేశ్వరీ

అంబా మోహిని దేవతా త్రిభువనీ ఆనందసంధాయినీ

వాణీ పల్లవపాణి వేణు మురళీగాన ప్రియా లోలినీ

కల్యాణీ ఉడురాజబింబవదనా ధూమ్రాక్షసంహారిణీ

చిద్రూపీ పరదేవతా భగవతీ శ్రీ రాజరాజేశ్వరీ

అంబా నూపుర రత్న కంకణధరీ కేయూరహారావళీ

జాతీ చంపక వైజయంతి లహరీ గ్రైవేయ వైరాజతాం

వీణావేణువినోద మండితకరా వీరాసనే సంస్ధితా

చిద్రూపీ పరదేవతా భగవతీ శ్రీ రాజరాజేశ్వరీ

అంబా రౌద్రణి భద్రకాళి బగళా జ్వాలాముఖీ వైష్ణవీ

బ్రహ్మాణీ త్రిపురాంతకీ సురనుతా దేదీప్యమానోజ్జ్వలా

చాముండా శ్రితరక్షపోషజననీ దాక్షాయణీ పల్లవీ

చిద్రూపీ పరదేవతా భగవతీ శ్రీ రాజరాజేశ్వరీ

అంబా శూల ధనుఃకుశాంకుశధరీ అర్దేందు బింబాధరీ

వారాహీ మధుకైటభ ప్రశమనీ వాణీ రమాసేవితా

మల్లాద్యాసుర మూకదైత్యదమనీ మహేశ్వరీ అంబికా

చిద్రూపీ పరదేవతా భగవతీ శ్రీ రాజరాజేశ్వరీ

అంబా సృష్టి వినాశ పాలనకరీ ఆర్యా విసంశోభితా

గాయత్రీ ప్రణవాక్షరామృతరసః పూర్ణానుసంధీకృతా

ఓంకారీ వినుతా సురార్చితపదా ఉద్దండ దైత్యాపహా

చిద్రూపీ పరదేవతా భగవతీ శ్రీ రాజరాజేశ్వరీ

అంబా శాశ్వత ఆగమాది వినుతా ఆర్యా మహాదేవతా

యా బ్రహ్మాది పిపీలకాంత జననీ యా వై జగన్మోహినీ

యా పంచప్రణవాది రేఫ జననీ యా చిత్కళామాలినీ

చిద్రూపీ పరదేవతా భగవతీ శ్రీ రాజరాజేశ్వరీ

అంబా పాలిత భక్తరాజి రనిశం అంబాష్టకం యః పఠే

దంబాలోక కటాక్షవీక్ష లలితా ఐశ్వర్య మవ్యాహతా

అంబా పావన మంత్రరాజ పఠనాద్దంతీశ మోక్షప్రదా

చిద్రూపీ పరదేవతా భగవతీ శ్రీ రాజరాజేశ్వరీ

____________XXX____________