శ్రీ శివ మానస పూజ SRI SHIVA MANASA PUJA

              శ్రీ శివ మానస పూజ

రత్నైః కల్పిత మాసనం హిమజలైః స్నానం చ దివ్యాంబరం

నానారత్న విభూషితం మృగ ష దామోదాంకితం చందనం

జాతీచంపక బిల్వపత్రరచితం పుష్పం చ ధూపం తథా

           దీపం దేవ దయానిధే పశుపతే హృత్కల్పితం గృహ్యతామ్ II      1

సౌవర్ణే నవరత్న ఖండరచితే పాత్రే ఘృతం పాయసం

భక్ష్యం పంచవిధం వయోదధియుతం రంభాఫలం పానకం

శాకానామయుతం జలం రుచికరం కర్పూర ఖండోజ్జ్వలం

తాంబూలం మనసా మయా విరచితం భక్త్యా ప్రభోః స్వీకురు II      2  

ఛత్రం చామరయోర్యుగం వ్యజనకం చాదర్శకం నిర్మలం

వీణాభేరి మృదంగ కాహల కలా గీతం చ నృత్యం తథా

సాష్టాంగం ప్రణతిః స్తుతి ర్భహువిధా హ్యేతత్సమ స్తంమయా

సంకల్పేన సమర్పితం తవ విభోః పూజాంగృహాణ ప్రభో II                   3

ఆత్మాత్వం గిరిజామతిః సహచరాః ప్రాణాః శరీరం గృహం

పూజా తే విషయోప భోగరచనా నిద్రాసమాధిస్థితిః

సంచారః పదయోః ప్రదక్షిణవిధిః స్తోత్రాణి సర్వాగిరో

యద్యత్కర్మకరోమి తత్తదఖిలం శంభోః తవారాధనమ్ II           4

కరచరణకృతం వాక్కాయజం కర్మజం వా

శ్రవణ నయనజం వా మానసం వాపరాధం

విహిత మవిహితం వా సర్వ మేతత్ క్షమస్వ

జయః జయః కరుణాబ్దే శ్రీ మహాదేవః శంభోః  II                     5

                ఇతి శ్రీమచ్ఛంకరాచార్య విరచితమ్

                             --------- XXX ---------