శ్రీ వేంకటేశ్వర సుప్రభాతం

                       

కౌసల్యా సుప్రజా రామా పూర్వాసంధ్యా ప్రవర్తతే

ఉత్తిష్ఠ నరశార్దూల కర్తవ్యం దైవమాహ్నికమ్

ఉత్తిష్ఠోత్తిష్ఠ గోవింద ఉత్తిష్ఠ గరుడధ్వజ

ఉత్తిష్ఠ కమలాకాన్త త్రైలోక్యం మంగళం కురు. 1

మతస్సమస్త జగతాం మధుకైటభారేః

వక్షోవిహారిణి మనోహర దివ్యమూర్తే

శ్రీ స్వామిని శ్రితజన ప్రియదానశీలే

శ్రీ వేంకటేశ దయితే తవసుప్రభాతమ్. 2

తవసుప్రభాత మరవిందలోచనే

భవతు ప్రసన్న ముఖచంద్ర మండలే

విధి శంకరేంద్ర వనితాభి రర్చితే

వృషశైలనాధదయితే దయానిధే 3

అత్య్రాది సప్తఋషయ స్సముపాస్య సంధ్యాం

ఆకాశసింధు కమలాని మనోహరాణి

ఆదాయ పాదయుగ మర్చయితుం ప్రపన్నాః

శేషాద్రి శేఖరవిభో తవ సుప్రభాతమ్. 4

పంచాన నాబ్జభవ షణ్ముఖ వాసవాద్యాః

త్రైవిక్రమాది చరితం విభుధాః స్తువంతి

భాషాపతిః పఠతి వాసరశుద్ధిమారాత్

శేషాద్రిశేఖరవిభో తవ సుప్రభాతమ్. 5

ఈషత్ప్రఫుల్ల సరసీరుహ నారికేళ

పూగద్రుమాది సుమనోహర పాలికానాం

ఆవాతి మందమనిల స్సహ దివ్యగంధైః

శేషాద్రిశేఖరవిభో తవ సుప్రభాతమ్. 6

ఉన్మీల్య నేత్రయుగ ముత్తమ పంజరస్ధాః

పాత్రావశిష్ట కదళీఫల పాయసాని

భుక్త్వా సలీల మథ కేళిశుకాః పఠంతి

శేషాద్రిశేఖరవిభో తవ సుప్రభాతమ్. 7

తంత్రీ ప్రకర్ష మధురస్వనయా విపంచ్యా

గాయ త్యనంతచరితం తవ నారదోపి

భాషా సమగ్ర మసకృత్కరచారు రమ్యం

శేషాద్రిశేఖరవిభో తవ సుప్రభాతమ్. 8

భృంగావళీ చ మకరంద రసాను విద్ధ

ఝంకారగీత నినదైః సహసేవనాయ

నిర్యా త్యుపాంత సరసీ సమలోదరేభ్యః

శేషాద్రిశేఖరవిభో తవ సుప్రభాతమ్. 9

యోషాగణేన వరదధ్ని విమధ్యమానే

ఘోపాలయేషు దధిమంధన తీవ్ర ఘోషాః

రోషాత్కలిం విదధతే కకుభశ్చ కుంభాః

శేషాద్రిశేఖరవిభో తవ సుప్రభాతమ్. 10

పద్మేశమిత్ర శతపత్ర గతాళివర్గాః

హర్తుం శ్రియం కువలయస్య నిజాంగలక్ష్మ్యా

భేరీ నినాదమివ బిభ్రతి తీవ్రనాదం

శేషాద్రిశేఖరవిభో తవ సుప్రభాతమ్. 11

శ్రీ మన్నభీష్ట వరదాఖిల లోకబంధో

శ్రీ శ్రీనివాస జగదేక దయైక సింధో

శ్రీ దేవతా గృహ భుజాంతర దివ్యమూర్తే

శ్రీ వెంకటాచలపతే తవ సుప్రభాతమ్. 12

శ్రీ స్వామి పుష్కరిణీకా ప్లవ నిర్మలాంగాః

శ్రేయోర్ధినో హరవిరించి సనందనాద్యాః

ద్వారే వసంతి వరవేత్ర హతోత్తమాంగః

శ్రీ వెంకటాచలపతే తవ సుప్రభాతమ్. 13

శ్రీశేషశైల గరుడాచల వేంకటాద్రి

నారాయణాద్రి వృషభాద్రి వృషాద్రిముఖ్యాం

ఆఖ్యాం త్వదీయ వసతే రనిశం వదంతి

శ్రీ వెంకటాచలపతే తవ సుప్రభాతమ్. 14

సేవాపరాః శివ సురేశ కృశానుధర్మ

రక్షాంబునాధ పవమాన ధనాధినాధాః

బద్దాంజలి ప్రవిలస న్నిజ శీర్షదేశాః

శ్రీ వెంకటాచలపతే తవ సుప్రభాతమ్. 15

ధాటీషు తే విహగరాజ మృగాధిరాజా

నాగాధిరాజ గజరాజ హయాధిరాజాః

స్వస్వాధికార మహిమాదిక మర్ధయంతే

శ్రీ వెంకటాచలపతే తవ సుప్రభాతమ్. 16

సూర్యేందు భౌమ బుధవాక్పతిః కావ్యసౌరి

స్వర్భానుకేతు దివిష త్పరిషత్ప్రధానాః

త్వ ద్దాసదాస చరమావధి దాస దాసాః

శ్రీ వెంకటాచలపతే తవ సుప్రభాతమ్. 17

త్వత్పాదధూళిభరితస్ఫురితో త్తమాంగః

స్వర్గాపవర్గ నిరపేక్ష నిజాంతరంగాః

కల్పాగమాకలనయా కులతాం లభంతే

శ్రీ వెంకటాచలపతే తవ సుప్రభాతమ్. 18

త్వద్గోపురాగ్ర శిఖరాణి నిరీక్షమాణాః

స్వర్గాపవర్గ పదవీం పరమాం శ్రయంతః

మర్త్యామనుష్యభువనే మతిమాశ్రయంతే

శ్రీ వెంకటాచలపతే తవ సుప్రభాతమ్. 19

శ్రీ భూమి నాయక దయాది గుణామృతాబ్దే

దేవాదిదేవ జగదేక శరణ్యమూర్తే

శ్రీ మన్ననంత గరుడాదిభి రర్చితేంఘ్రే

శ్రీ వెంకటాచలపతే తవ సుప్రభాతమ్. 20

శ్రీ పద్మనాభ పురుషోత్తమ వాసుదేవ

వైకుంఠ మాధవ జనార్దన చక్రపాణే

శ్రీ వత్సచిహ్న శరణాగత పారిజాత

శ్రీ వెంకటాచలపతే తవ సుప్రభాతమ్. 21

కందర్పదర్పహర సుందర దివ్యమూర్తే

కాంతా కుచాంబురుహ కుట్మలలోల దృష్టే

కల్యాణ నిర్మల గుణాకర దివ్యకీర్తే

శ్రీ వేంకటాచలపతే తవ సుప్రభాతమ్. 22

మీనాకృతే కమఠకోల నృసింహ వర్ణిన్

స్వామిన్ పరశ్వధ తపోధన రామచంద్ర

శేషాంశ రామ యదునందన కల్కిరూప

శ్రీ వేంకటాచలపతే తవ సుప్రభాతమ్. 23

ఏలాలవంగ ఘనసార సుగంధ తీర్ధం

దివ్యం వియత్సరితి హేమఘటేషు పూర్ణం

ధృత్వాద్యవైదిక శిఖామణయః ప్రహృష్టాః

తిష్టంతి వేంకటపతే తవ సుప్రభాతమ్. 24

భాస్వానుదేతి వికచాని సరోరుహాణి

సంపూరయంతి నినదైః కకుభో విహంగాః

శ్రీ వైష్ణవాః సతతమర్ధితమంగాళాహస్తే

ధామశ్రయంతి తవ వేంకట సుప్రభాతమ్. 25

బ్రహ్మాదయ స్సురవరా స్సమహర్షయస్తే

సంతస్సనందన ముఖాస్త్వధ యోగివర్యాః

ధామాంతికే తవ హి మంగళవస్తు హస్తాః

వేంకటాచలపతే తవ సుప్రభాతమ్I IIjhfcdjkhfdIIIIFJDFJKDSFJJFDFDFDKFJDKJJJJJ. 26

   

 లక్ష్మీనివాసనిరవద్య గుణైకసింధో

సంసార సాగర సముత్తరణైక సేతో

వేదాంత వేద్య నిజవైభవ భక్తభోగ్య

శ్రీ వేంకటాచలపతే తవ సుప్రభాతమ్. 27

ఇత్ధం వృషాచలపతే రిహ సుప్రభాతమ్

యే మానవాః ప్రతిదినం పఠితుం ప్రవృత్తాః

తేషాం ప్రభాత సమయే స్మృతిరంగభాజాం

ప్రజ్ఞాం పరార్థ సులభాం పరమాం ప్రసూతే. 28

IIjhfcdjkh

                                        శ్రీ వేంకటేశ్వర సుప్రభాతం సమాప్తం